मार्बल ऑर्गॅनिक्सचा शोभादेव ग्रामीण महोत्सवातील अनुभव

🌿 “मार्बल ऑर्गॅनिक्सचा शोभादेव ग्रामीण महोत्सवातील अनुभव” 🌿

‘शोभादेव ग्रामीण महोत्सव’, विटा येथे झालेला कार्यक्रम आमच्यासाठी — मार्बल ऑर्गॅनिक्सच्या महिला उद्योजकांसाठी — अविस्मरणीय ठरला. स्थानिक आमदार मा. सुहास अनिल बाबर साहेब यांच्या मार्गदर्शनाखाली आयोजित या महोत्सवात आम्ही आमच्या नैसर्गिक, खाद्य-ग्रेड कॉस्मेटिक उत्पादनांचा स्टॉल लावला होता.

या कार्यक्रमात अनेक प्रतिष्ठित व मान्यवर सरकारी अधिकारी आमच्या स्टॉलला भेट देऊन प्रोत्साहन दिले. परंतु सर्वांत डोळ्यात भरणारा क्षण होता, जेव्हा जिल्हाधिकारी श्री. अशोक काकडे सर व त्यांच्या पत्नींनी आमच्या स्टॉलला भेट दिली. त्यांनी आमच्या उत्पादनांची माहिती घेतली, आमच्या प्रयत्नांचे कौतुक केले आणि महिलांच्या स्वावलंबनासाठी घेतलेल्या पुढाकाराचे मनापासून अभिनंदन केले.

त्यांचा प्रोत्साहनाचा शब्द आमच्यासाठी मोठी ऊर्जा ठरला. “महिला हातातून निर्माण होणाऱ्या गुणवत्तापूर्ण आणि शुद्ध उत्पादने बाजारात यश मिळवतील,” असे काकडे सरांनी सांगितले, आणि तो क्षण आमच्या टीमसाठी प्रेरणादायी ठरला.

या कार्यक्रमाचे वैशिष्ट्य म्हणजे स्थानिक चॅनेल ‘स्टार न्यूज विटा’ यांनी आमच्या स्टॉलचे कव्हरेज करून आमच्या कार्याची दखल घेतली. या माध्यमातून आमच्या ब्रँडचा आत्मविश्वास अधिक वाढला आणि “गावातील महिलाही मोठं स्वप्न पाहू शकतात” हे पुन्हा एकदा सिद्ध झाले.

मार्बल ऑर्गॅनिक्स या नावामागे असलेली आमची टीम आज अभिमानाने सांगू शकते की आम्ही केवळ उत्पादन नाही तर महिला सशक्तीकरणाचा संदेश देत आहोत. पुढेही आम्ही या प्रेरणेनेच काम करत राहू — आमच्या उत्पादनांद्वारे आणि आमच्या एकतेद्वारे समाजात सकारात्मक बदल घडवण्यासाठी.